صديقى الراوى بما إن محدش عبرنى ولا "بل ريقى بكلمة" عن سؤالى .... و لا حتى الإستاذ إبراهيم ذو العقل النير .... أنا مضطر أقلك إمتى تبقى "مشكلةحياتك....إن إحنامعاااك" * لـما تكون مشترى فطارك ... يا دوب سندوتشين طعمية "حيث إن الرغيف بقى بجنيه, و طبعا حضرتك مش هايهون عليك تدفع غيرةللفطار" و يبتليك ربنا بصديق غلس يبص لك فيه و ياخد نصه أو أكتر و يقول لك "اللى ياكل وحده يزور...إحنا معاك"!* و لما تكون واقف ى طابور العيش اللى هزم طوله طول قطر البضاعة ... و تلاقى واحد غلس خبطك كتف و قال لك "ياخى وسع....إحنا معاك"!* و لما ربنا يكرمك أول الشهر و تحب تعزم شريكة حياتك فى مكان راقى ... لتمتع عينيك من إبدال النظر فى عينيها تارة ...و على النهر الخالد تارة... و برضه تلاقى نفس الشباب التافه "اللى مسمى نفسه روش" و تلاقى عينيهم هاتاكلكم و لسان حال صفاقتهم يقول "اللى إداك يدينا يا سيدى ... إحنا معاك... للصبح"!* و لما تلحق لك مكان فى ميكروباص "فى يوم حر و خنقة" ... و أتارى الكرسى مش لواحد بس ...و تلاقى واحد نفخ بغيظ ..."إتااخر يا أستاذ...إحنا معاك"! .... وعن إذنك لإن فيه واحد صاحبى عاوزنى أقوم من على الكمبيوتر و بيقول لى..."كفاية يا عم ...إحنامعااااك"!!!!
07 مايو, 2008 07:31 ص
07 مايو, 2008 07:31 ص
dr. x
هناك 4 تعليقات:
عزيزى دكتور اكس
ما علش انا سمحت لنفسى انشر تعليقك على مقال احنا معاك لانه عاجبنى وانا متاكد انه هيعجب كل اللى يقراه
مع شكرى لك على مشاركتك المتميزة
عزيزى دكتور اكس
ما علش انا سمحت لنفسى انشر تعليقك على مقال احنا معاك لانه عاجبنى وانا متاكد انه هيعجب كل اللى يقراه
مع شكرى لك على مشاركتك المتميزة
صديقى الراوى
خالص شكرى و تقديرى على هذة اللـَفتَة الكريمة ......و إن شاء الله دائما....إحنا معاك.
صديقى الراوى
بعد التحية .... و خالص الشكر و التقدير لصاحبة هذة الفكرة-جدتك- ...و بالرغم من إتفاقنا كلنا على أهمية هذه الكلمة – إحنا معاك –
.............
لكن زى ما قلت مرة (إمتى تكون مشكلة حياتك....إن إحنا معاك ) ,المرة دى أحب أسأل إمتى مينفعش تقول ( ....إحنا معاك) , وإنها ممكن تطير فيها رقاب ....أو إن الواحد - يتبندق - لو قالها........إذا ً ....إمتى نقول لك إوعى تقول إحنا معاك :
* يعنى لما يكون واحد صاحبك بيشتكى لك من إسهال مزمن – والشكوة لغير الله مذلة – و فجأة يقول لك : أنا رايح الحمام. , إوعى تنسى نفسك و تتعاطف مع حالته و تقوله إحنا معاك .
* و لا لما يكون معاك زميل – صعيدى قــِفل – زينا كده , و يشتكيلك من الغربه اللى إنتم فيها , و يقولك .... يا ما نفسى أشوف أم العيال , إياك تقوله بدل و إحنا زيك ,تقوله أنا معاك ..... لأنك مش هتلحق توضح إنك معاه فى الشعور مش فى المكان !
* ولا لما يكون تخصصك الطبى فى أحد التخصصات الحساسة , و يشتكي لك مريض من مسألة محرجة , و بعد ما ربنا يكرمك و حالته تتحسن شوية .... فحضرتك بعد ما كحلتها تعميها و تقوله : طيب توكل على الله....و إحنا معاك!
...... بعد إذنكم أرُد لأن الموبايل بيرن ......
-- ألو ....إيه .... حادثه ....طيب أنا جاى و معايا الزملاء أهم .... جهزولنا كل المطلوب .....
يلا يا شباب , معانا شغل طوارىء.... أنا هادخل أغير هدومى...... أهم ردو كلهم....و إحنا معاك...... ده بخصوص الحادثه طبعا !
مع تحياتىDr.X
إرسال تعليق