الجو فعلا حر لا يطاق
ومع ارتفاع درجة الحرارة والرطوبة
بترتفع درجة التوتر والاكتئاب والتبلد
والحرارة العالية بتسيح كل حاجة ومن ضمنها قدرتنا على التركيز
وتلاقى نفسك واقع بين نارين
يا اما نار الحر التى لا تطاق
يا اما نار أقساط التكييف وفاتورة الكهربا اللى بيخليها فى السما
وبصراحة دول خيارين أحلاهما مر
وحتى لو اخترت حل التكييف فانت لسا معرض لأمراض التكييف
وأمراض التعرض المتقطع للتكييف والحرارة العالية
يبقى حاول انك ما تعتمدش على التكييف فى حل مشاكلك مع الحرارة
وحاول انك تجرى عملية تكييف لنفسك مع الواقع المحيط بيك
صحيح شرب السوايل البارده والحاجة الساقعة مهم
وكمان الايس كريم والبطيخ المتلج اللذيذ مهم
بس الأهم انك تتكيف مع الوضع بتاع الحرارة ده
لأنك للأسف لو استسلمت للأحساس بالخمول هتتوقف كل انشطتك الحيوية
المذاكرة محتاجة لتركيز " ودا موسم امتحانات"
والشغل كمان محتاج لتأقلم مع الحر والجو المولع
أولا عشان تقدر تشتغل بنفس خصوصا لو شغلك محتاج ابداع
وثانيا عشان ما تطلعش حمم النار اللى بتهرى جتتك على مخاليق ربنا اللى جايا تقضى مصالحها عندك
الخلاصة انه لازم يكون فيه نوع من تقبل الحر ده بروح جميلة
وما نسمحش أبدا ان حرارته زى ما بتفسد اللبن والطبيخ
تفسد كمان علاقاتنا بالناس
فتمنعنى من انى أأدى اللى عليا فى شغلى
أصل رحمى وافضل أود أصحابى
ما اخليش الحر شماعة لكل غلطة واتلكك بأن الواحد مش طايق نفسه
يا اما بقى نعمل زى أخينا اللى فوق " سى محمد"
ندخل جوا التلاجة وما نطلعش منها الا فى نوفمبر اللى جاى
هناك تعليقان (2):
صديقى الراوى
فى هذه المرة إسمح لى أن يكون تعليقى ليس ساخرا , بل أن يكون جادا و هادفا , إن هذا الحر الذى لا نطيقه نحن فى حياتنا العادية هو نفس الحر أو ربما أقل من ذلك الذى يغرق الصحراء بلهيبة اللافح , هذا الحر الذى كان حياة أولائك الأبطال الذين كافحوا و قاتلوا , و بدونهم ما كانش إحنا معاك , كان ربما عزرا معاك أو كوهين معاك ..... لكن إحنا كان صعب نكون مع بعض!
هل تعلمون أن أبطال قوات الإستطلاع كانوا يحفرون حفرا وسط الرمال الحارقة و يختفون فيها طوال النهار , ثم يستأنفوا عملهم طوال الليل !
و...... لن أطيل عليكم ,ولكنى أريد إلقاء تحية و باقة من الزهور على أولائك الذين إستطاعوا أن يقهروا كل صعب..... أن يقهروا الحر..... و بدون أن نراهم كان لسان حالهم يقول ..... متخفش من الحر ..... متخفش من العدو....إحنا معاك!
ألا يستحقون التحية؟؟؟؟!
و أول من يحيهمDr.X
انا عن نفسى عايزة اكون زى سى محمد وافضل علطول فى الثلاجةوعلى فكرة اقساط التكييف والفاتورةالعالية ارحم بكثير من نارالحر
إرسال تعليق